Category Archives: OSMF

Publicacións sobre a organización da Fundación OpenStreetMap. Os grupos de traballo, a directiva e outras entidades, e como estruturamos a nosa organización

Eleccións de 2024 ó Consello da OSMF: a votación en liña está aberta ata o 19 de outubro ás 16.00h (UTC), cando comezará a Asemblea Xeral Anual

Logo da Fundación OpenStreetMap
Logo oficial de OSM de Ken Vermette, CC-BY-SA 3.0, aplica marca rexistrada.

Esta fin de semana, aproveita para ler as respostas e os manifestos das persoas candidatas e votar nas eleccións de 2024 ó Consello da Fundación OSM!

Os correos electrónicos de votación de OpaVote enviaranse ós membros da Fundación OSM elixibles este sábado 12 de outubro de 2024, despois das 16:00 UTC, e ligarán directamente á páxina de votación, listando cada candidatura en orde aleatoria permitindo clasificalas por orde de preferencia.


Elixibilidade para votar

Podes votar nas eleccións se

  • fuches persoa socia durante os 90 días completos anteriores á data da Asemblea Xeral Anual (que terá lugar o 19 de outubro de 2024), e
  • a túa adhesión non está en mora 7 días antes da data da Asemblea Xeral Anual, e
  • es unha persoa física.


Correo electrónico de OpaVote

O correo electrónico da plataforma de votación en liña OpaVote enviarase ó enderezo de correo electrónico asociado á túa adhesión á Fundación OSM e

  • o asunto do correo electrónico será: [OpenStreetMap Foundation] Vote for 2024 Board Elections [some_random_letters]. Traducido ó galego: [Fundación OpenStreetMap] Vota para as eleccións da Xunta de 2024 [algunhas_letras_ó_chou],
  • o remitente será: noreply@opavote.com

Se cres que deberías ter recibido un correo electrónico de votación pero non o atopas antes do domingo 13 de outubro, consulta o teu cartafol de spam. Se aínda falta, envía unha mensaxe ó enderezo de correo electrónico mencionado aquí.


Información de votación e respostas a preguntas frecuentes

Podes atopar máis información sobre a votación e respostas ás preguntas máis frecuentes nesta páxina.

Asegúrate de ler o aviso da páxina antes de votar.


Data límite para votar: sábado 19 de outubro ás 16.00h UTC

As urnas permanecerán accesibles durante unha semana, pechando o sábado 19 de outubro de 2024 ás 16.00h UTC, cando comezará a Asemblea Xeral Anual. Pedimos que voten con antelación.

Queres traducir esta e outras publicacións do blog a outra lingua? Envía un correo electrónico a  communication@osmfoundation.org  con asunto: Axuda coas traducións en [your language]

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeoespaciais gratuítos para que calquera poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas de persoas asociadas e das doazóns e organiza a conferencia internacional anual sobre o Estado do mapa . Os nosos grupos de traballo voluntarios e o pequeno persoal central traballan para apoiar o proxecto OpenStreetMap. Únete á Fundación OpenStreetMap por só 15 € ó ano ou de balde se colaboradoras activamente de OpenStreetMap.

Recibe notificacións sobre novas publicacións do blog: subscríbete ó feed RSS en inglés (as fontes tamén están dispoñibles para outros idiomas)

A publicación orixinal en inglés foi escrita por Dorothea.

OSM foi nomeado Ben público dixital pola axencia encargada afiliada á ONU

por Craig Allan

OpenStreetMap solicitou e foi admitido como Ben público dixital pola Alianza para os Bens públicos dixitais (DPGA, polas súas siglas en inglés), unha iniciativa de varias organizacións avalada polas Nacións Unidas. A designación é un paso importante para asegurarse de que OpenStreetMap sexa recoñecido polo seu papel positivo no desenvolvemento económico global.

Ó se rexistrar formalmente na DPGA, o proxecto OSM gañou agora máis lexitimidade e un perfil de relevo internacional vinculado ó avance dos Obxectivos de Desenvolvemento Sostible da ONU.

Que son os Bens públicos?

O concepto de “ben públicos” foi creada por economistas para describir cousas que son gratuítas, inesgotables e non competitivas. O sol é un bo exemplo: non custa nada, nunca se esgota e se a túa veciñanza o usa moito, o teu propio abastecemento non se ve diminuído en absoluto.

Igual que a luz do Sol, os datos de OSM son gratuítos, podes usalos tanto como queiras e, aínda que a túa veciñanza tamén os use moito, o teu propio suministro non se esgota. Ten en conta que os datos son un ben público, non os servidores: os nosos servidores non son gratuítos e son un recurso limitado.

Facer do mundo un lugar mellor

As Nacións Unidas convocaron un grupo de persoas expertas en 2019 para analizar a cooperación dixital en apoio ó desenvolvemento global. O seu informe “A era da interdependencia dixital” tiña cinco recomendacións principais. As cinco son excelentes propostas, pero a quinta é particularmente relevante para OSM xa que di que as Nacións Unidas deberían fomentar a cooperación dixital mundial. O texto exacto é:

“Os bens públicos dixitais son esenciais para liberar todo o potencial das tecnoloxías e datos dixitais para acadar os Obxectivos de Desenvolvemento Sostible, en particular para os países de renda media e baixa”.

Isto significa que as Nacións Unidas están a promover o uso de software libre e de datos abertos como ferramenta para os países de ingresos medios e baixos e permitirlles avanzar e cumprir os obxectivos de desenvolvemento acordados polas Nacións Unidas. Esta promoción é especialmente importante porque os datos gratuítos combinan ben co software libre e poden ser amplamente utilizados ata polos gobernos menos desenvolvidos. Ademais, os datos e aplicacións gratuítas permiten ós gobernos avanzar no seu desenvolvemento sen desviar os escasos recursos para pagar as taxas de licenza ás empresas de países ricos.

A ONU creou entón a Alianza de Bens públicos dixitais como axencia de execución desta quinta proposta, co mandato de avanzar no desenvolvemento e uso de bens públicos dixitais para o desenvolvemento.

A DPGA creou un rexistro de sistemas abertos aprobados, aplicacións abertas e datos abertos ó que todos poden acceder para o avance do desenvolvemento global.

Por que é importante para OSM?

OSM é unha forza grande pero nalgúns aspectos non recoñecida no desenvolvemento global. Subxace en moitos esforzos humanitarios, apoia a investigación académica de moitas especializacións diferentes e é un compoñente de gran parte do desenvolvemento de software, especialmente en aplicacións xeográficas e de navegación. Os datos OSM tamén son xa amplamente utilizados polas axencias das Nacións Unidas, as ONG internacionais e por gobernos a todos os niveis e de todo o mundo.

Ó rexistrarse formalmente na DPGA, o movemento OSM gañou agora máis lexitimidade e un perfil de relevo internacional vinculado ó avance dos Obxectivos de Desenvolvemento Sostible da ONU. En palabras máis sinxelas, e isto é algo que a maioría de nós sabiamos desde sempre: a ONU pensa que OSM é unha excelente ferramenta para facer do mundo un lugar mellor para todos.

Este rexistro potencia a lexitimidade e o perfil de OSM e os seus socios e crea novas oportunidades. Unha área importante reside no ambiente de traballo gobernamental. O status de OSM como Ben público podería usarse para abrir portas e promover un maior uso de OSM por parte das organizacións gobernamentais a nivel nacional, rexional e local. Isto podería darlle a OSM a oportunidade de acceder ós datos en poder do goberno e/ou ós fondos gobernamentais para impulsar a nosa comunidade de cartografía e/ou a unha serie de recursos para reforzar os nosos sistemas de entrega, beneficiando a todo o mundo.

(Ten en conta que a Fundación OSM aínda non desenvolveu unha estratexia para fomentar e facilitar o uso de OSM nos espazos gobernamentais; esta aínda está en fase de idea).

O impulso ó perfil e a lexitimidade de OSM e as persoas e institucións socias tamén pode axudarnos a defender o investimento filantrópico en OSM.

Un último pensamento irónico sobre as posibilidades desta oportunidade é que OSM foi creado orixinalmente por Steve Coast como resposta ós controis na cartografía gobernamental. Sería moi satisfactorio que a cartografía gratuíta e aberta medrara para ser a base de gran parte da cartografía gobernamental.

Microsoft compromete 150.000 dólares para apoiar a OpenStreetMap

O Consello da Fundación OpenStreetMap ten o pracer de anunciar a doazón de 150.000 dólares de Microsoft para beneficiar o proxecto e a comunidade OpenStreetMap. Este apoio substantivo irá directamente á mellora das operacións e infraestruturas de OSM, así como ao financiamento de actividades comunitarias de OSM como eventos locais, rexionais e globais sobre o Estado do Mapa .

En Microsoft, estamos totalmente comprometidos en apoiar OpenStreetMap, non só a través de contribucións financeiras, senón tamén mediante a aceptación e o fomento dos datos de mapas abertos e participando activamente na comunidade mediante o voluntariado e os esforzos de desenvolvemento.

— Marko Panić, xefe principal de produtos de Microsoft

Os fondos desta doazón asignaranse das seguintes formas:

É importante destacar que Microsoft apoia a OSM mediante doazóns “en especie”, así como con contribucións monetarias. Doou coñecementos técnicos e recursos de enxeñería; axudou a crear conciencia sobre a importancia de OSM entre outras empresas, organizacións sen ánimo de lucro e outras entidades; e desempeñou un importante papel de consultoría no Consello Consultivo de OSM.

O Consello Asesor de OSM é un grupo único dentro da comunidade OSM que reúne empresas e comunidades locais.  Constrúe conexións positivas entre as empresas que usan e contribúen a OSM e as comunidades locais que coñecen as súas peculiaridades, encabezan proxectos de desenvolvemento e reúnen ás persoas mapeadoras de OSM a través de talleres e outros eventos.

— Mikel Maron, membro do Consello da OSMF

Microsoft, a través dos seus representantes, doazóns e outras axudas, proporcionou un apoio importante para o mantemento do editor iD, está a traballar en melloras no fluxo de rexistro de OSM e presentou OSM a unha base de usuarios máis ampla a través da ferramenta de creación de mapas de Bing. O Consello de OSMF agradece as moitas contribucións ao éxito de OpenStreetMap.

A OSMF recolle o apoio en especie, así como financeiro, para o desenvolvemento técnico, as operacións e a comunidade de OSM: 

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeoespaciais gratuítos para que calquera poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas de persoas asociadas e das doazóns e organiza a conferencia internacional anual sobre o Estado do mapa. Os nosos grupos de traballo voluntarios e un persoal moi reducido son o apoio principal para o proxecto OpenStreetMap. Únete á Fundación OpenStreetMap por só 18 € ao ano ou de balde se colaboradoras activamente con OpenStreetMap.

A publicación orixinal en inglés foi escrita por Courtney Williamson.

Seccións locais: que tes que saber e como podes unirte

Que é unha Sección local?


As persoas que colaboradoran e os grupos ou comunidades son os principais impulsores do proxecto OpenStreetMap. Como medio de apoiar e fomentar as comunidades locais, a Fundación OSM recoñece ás entidades xurídicas a nivel de país ou rexión, chamadas “Seccións locais”, para representar as persoas cartógrafas e os datos OSM cando tratan cos gobernos locais, as empresas ou os medios de comunicación.

Obtén máis información sobre as seccións locais recoñecidas.

Como podes unirte a unha sección local?

Aínda que non é obrigatoria entrar nunha Sección local formalmente recoñecida para operar como un grupo de OSM nacional ou rexional, facelo ten vantaxes. Estes inclúen unha guía simplificada para usar a marca rexistrada OpenStreetMap e un mecanismo que representa aos grupos en calquera proceso de toma de decisións da OSMF.

Estas dúas páxinas explican como unirse:

Ten en conta que a OSMF mellorou recentemente este proceso.  Un cambio importante é que o Grupo de traballo de Seccións e Comunidades Locais (LCCWG) procesará e revisará as solicitudes antes de facer unha recomendación ao Consello da OSMF.

Por que unirse como unha Sección local?

A OSMF valora moito as diversas comunidades de OSM e as súas contribucións ao mapa. Serven como embaixadores/as  nas súas áreas estatais/nacionais/rexionais promovendo a creación e a mellora de mapas, así como creando e desenvolvendo usos para os datos e ferramentas OSM que se axusten ás súas necesidades.

Ao converterse nunha comunidade formalmente recoñecida, as Seccións locais poden:

  • Usar oficialmente o nome e a marca rexistrada de OSM
  • Representar a OSMF nas interaccións con gobernos e empresas
  • Asistir ao Consello Consultivo da OSMF (para garantir que se escoiten as ideas e opinións da súa comunidade local)

A solicitude como Sección local é gratuíta –  Sodes benvidas!

Coñece as Seccións locais!

O Consello da OSMF pídelle ás Seccións locais que compartan os informes anuais para asegurarse de que están aliñados na procura dos obxectivos compartidos. Tamén é unha oportunidade para compartir o traballo incrible de cada sección con outras comunidades de mapas e OSM. Os informes recentes e pasados ​​pódense atopar aquí .  

A continuación móstranse algúns dos aspectos máis destacados dos informes anuais deste ano:

OSM Italia (a través de Wikimedia Italia)

A comunidade OSM en Italia con Wikimedia Italia estivo ocupada facendo que a conferencia do Estado do Mapa 2022 fose un éxito! Revive o momento a través deste vídeo :

OSM Eslovaquia

Permitimos ás persoas usuarias de freemap.sk cargar e ver fotos. A nosa galería de fotos contén case 300.000 fotos, incluíndo máis de 10.000 fotos de guías de sendeirismo e ciclismo.

da páxina de Facebook de freemap.sk

OSM Reino Unido

Como grupo, seguimos compartindo a palabra sobre OpenStreetMap e as persoas mapeadoras do Reino Unido. Isto abarcou desde a cartografía de residuos e centros de reciclaxe durante os fins de semana de hackeo de CodeTheCity, ata a presentación de Andy Mabbett ante a Data Management Association e a British Computing Society. Este último é un bo exemplo onde contar cunha organización oficial proporciona unha vía para que empresas ou colectivos soliciten axuda.

de @stevefaeembra en X (antes Twitter): “Densidade de aeroxeradores nas Illas Británicas. Hexagonal agrupado en hexágonos de 10 km. Usando os datos de copyright dos colaboradores de OpenStreetMap e #qgis. (Advertencia habitual para OSM, isto só mostra as turbinas mapeadas. Mapeáronse ao redor de 15.000)”

OSM República Checa

Ferramenta de benvida: en 2021, desenvolvemos e publicamos a ferramenta de benvida, que se usa para enviar unha mensaxe de benvida ás persoas que colaboran por primeira vez nunha área específica. En 2021 enviamos varios centos de mensaxes de benvida e seguimos facéndoo desde entón. Consulta github.com/osmcz/greeter-osm.

https://openstreetmap.cz/splash

OSM EUA

OSM EUA organizou recentemente o 11º Estado do Mapa dos EUA en xuño de 2023 en Richmond, Virxinia. Consulta os vídeos na lista de reprodución de Youtube e as fotos en Flickr.

de https://openstreetmap.us/news/2023/01/2022-year-in-review

OSM Xapón

OSM Xapón organizou o Estado do Mapa de Xapón 2022 en Kakogawa e en liña co tema: "Reiniciar" despois da pandemia de COVID19. Foi organizado por 12 voluntarios e asistiron 140 participantes con 15 estudantes voluntarios. Podes ver aquí varios vídeos.

de https://openstreetmap.us/news/2023/01/2022-year-in-review

OSM Francia

O ano 2021-2022 foi a ocasión para que OSM Francia se integrase no Consello plenario do CNIG (Consello Nacional de Información Xeolocalizada). A actividade do CNIG crece tras o nomeamento do seu novo presidente o pasado ano.
Esta entrada da asociación é unha excelente noticia. Recoñece o traballo de toda a comunidade ao servizo do proxecto OSM e sinala oficialmente a importancia do proxecto no panorama da información xeográfica.



A comunidade OpenStreetMap en Francia

OSGeo Oceanía

OSGeo Oceanía organizou o FOSS4G Estado do Mapa Oceanía 2022 co GIS das Illas do Pacífico e a Conferencia de usuarios/as de teledetección en Fidxi en decembro de 2022. Podes ver a presentación aquí. Este ano, a conferencia rexional será en Aukland - atopa máis información na web oficial da conferencia.

desde https://osgeo-oceania.org/

FOSSGIS Alemaña

A Conferencia FOSSGIS 2023 tivo lugar en marzo en Berlín. Coa asistencia de máis de 500 persoas, FOSSGIS Konferenz está dirixida a persoas usuarias e empresas locais coa intención de reunirse e aprender sobre novos desenvolvementos e colaborar nas actividades da sección local na súa propia lingua.

Os seguintes tres exemplos de mapas mostran parte da colonia de xardíns de parcelas de Berlín “Am Stadtpark I” ALKIS  como exemplo de xeodatos oficiais (esquerda), 
modelo de superficie dixital baseado en imaxes (bDOM)  como exemplo da información aberta de datos de teledetección (imaxe do medio), 
Mapa OpenStreetMap  (dereita).
de https://www.fossgis.de/aktivit %c3% a4ten/grueneoasen/

OSM Islandia

OSM Islandia reuniuse co National Land Survey of Iceland, que foi o encargado de crear un conxunto de datos de estradas gratuíto e aberto. Ata agora os datos de estradas da OSM eran a rede viaria de facto utilizada nos traballos tanto por organizacións gobernamentais como non gobernamentais. No sitio web da OSMF está dispoñible unha presentación feita en 2020 para o Consello de OSMF.

OSM Suíza

En xaneiro de 2023, o podcast de Geomob contou cun activo cartógrafo suízo, Simon, que é o actual presidente da asociación OpenStreetMap Suíza. Escoita as súas motivacións para seguir con este proxecto e a súa perspectiva sobre a comunidade OpenStreetMap e o seu futuro.

de: https://twitter.com/SwissOSM/status/1668582508693266434

OSM Bélxica

Nota: OSM BE non é actualmente unha Sección local recoñecida debido a cambios internos na organización. Non obstante, este informe reflicte un período no que foron recoñecidos.

OSM Bélxica estivo ocupada organizando Estado do Mapa Europa 2023 que terá lugar en Amberes. Espera reunir aos membros máis brillantes e activos da comunidade de cartografía e desenvolvemento de OpenStreetMap para un intercambio detallado de resultados e ideas que apoien o éxito continuo das distintas iniciativas reforzando os proxectos e a colaboración en curso. Máis información na páxina web.

A evolución da cartografía de estradas en Bruxelas. Verde: estradas lentas. Gris: estradas cartografadas. Negro: estradas que se están a traballar nese mes. Desde https://openstreetmap.be/en/projects/road-completion.html

OSM República Democrática do Congo

A finais de 2022, OSM DRC comezou proxectos de crowdmapping das principais vías navegables utilizando unha base de datos abertos para identificar as que faltaban e dixitalizalas manualmente. Dúas provincias (Lualaba e Haut-Katanga) de 26 están a finalizar agora, pero queremos acadar unha cobertura nacional. Podes ver esta presentación durante a Community Spotlight da OSMF en xullo de 2023.

OSM Irlanda

O proxecto OSM Ireland Buildings Microgrant concluíu en 2022, con 200.000 edificios mapeados co crecemento da comunidade como resultado das frecuentes reunións e golosinas da comunidade en liña. Consulta o informe completo na wiki.

OSM Austria

OSM Austria segue estendendo o coñecemento de OpenStreetMap no país. Participaron na Maker Faire Vienna 2023, a feira de creadores e inventores mundiais, e están desexando participar na Maker Faire Salzburg en novembro deste ano.

desde https://www.openstreetmap.at/2023/07/das-war-die-gi-salzburg-2023/

Free Libre Open Source Software Kosovo

Fomento da participación comunitaria en Albania: OSM Kosovo xogou un papel integral no establecemento e organización da comunidade OpenStreetMap en Albania. Os seus esforzos centráronse en fomentar unha comunidade de cartografía vibrante, promover o uso de ferramentas de cartografía de código aberto e facilitar a colaboración entre varias partes interesadas.
https://flossk.org/foss4g-wraps-up-its-2023-edition-in-prizren/

Stowarzyszenie OpenStreetMap Polonia

OSM Polonia estivo desenvolvendo o proxecto OpenAEDMap, que chegou a máis de 5.600 localizacións dos dispositivos AED; isto é posible grazas ao activismo comunitario e a unha campaña entre as entidades do goberno local.
https://openstreetmap.org.pl/2023/laboratorium-regionow-warmia-i-mazury-popularyzacja-openstreetmap/

Se ti e a túa comunidade tedes interese en crear unha Sección local, comprobade esta páxina de preguntas frecuentes ou poñédevos en contacto co LCCWG por correo electrónico local@osmfoundation.org .

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeoespaciais gratuítos para que calquera poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas de persoas asociadas e das doazóns e organiza a conferencia internacional anual sobre o Estado do mapa . Os nosos grupos de traballo voluntarios e un reducido persoal traballan para apoiar o proxecto OpenStreetMap. Únete á Fundación OpenStreetMap por só 18 € ó ano ou de balde se colaboras activamente en OpenStreetMap.

A publicación orixinal en inglés foi escrita por Courtney Williamson.

Consulta á comunidade: o Plan Estratéxico da OSMF (2ª versión)

Como parte do noso traballo durante os últimos tres meses, o Consello da Fundación OSM estivo revisando o Plan Estratéxico da OSMF. Agora compartimos unha versión reescrita para recibir comentarios dos e das membros de OSMF e da comunidade OSM.

Podes atopar a última versión aquí.  Engade as túas ideas e achegas a través do Foro da Comunidade ou na lista de correo. 

Destacados: 

As roldas de comentarios sobre versións anteriores do Plan foron moi útiles para definir onde estamos agora. Verás moitos cambios no documento.  

  • O Plan comeza cun preámbulo que ofrece unha visión xeral de onde estamos agora e cara a onde temos intención de ir.
  • O Plan conserva os catro piares arredor dos que o Consello da OSMF organiza o seu traballo: infraestrutura técnica, desenvolvemento comunitario, desenvolvemento institucional e goberno financeiro. 
  • Dentro destes, hai un conxunto de obxectivos e algunhas mencións a grandes accións. O máis importante é que hai unha indicación de que parte da OSMF é responsable de desenvolver e levar a cabo as accións.
  • En xeral, o Plan é máis conciso e, pensamos, máis claro, proporcionando unha base sólida para comprender o traballo da OSMF.

Que segue? 

Revisaremos os comentarios de forma continua durante as próximas tres semanas, seguido dun debate do Consello por chat a mediados do mes de setembro. Despois faremos revisións adicionais baseadas nos comentarios coa ambición de aprobar o Plan na reunión do Consello do 21 de setembro de 2023.

Agardamos saber de ti e grazas a quen participou neste proceso!

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeoespaciais gratuítos para que calquera poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas de persoas asociadas e das doazóns e organiza a conferencia internacional anual sobre o Estado do mapa . Os nosos grupos de traballo voluntarios e un reducido persoal traballan para apoiar o proxecto OpenStreetMap. Únete á Fundación OpenStreetMap por só 18 € ó ano ou de balde se colaboras activamente en OpenStreetMap. Podes facer un agasallo para apoiar o traballo de OpenStreetMap en supporting.openstreetmap.org

A publicación orixinal en inglés foi escrita por Courtney Williamson.

Comezamos 2023 no Consello da OSMF

En xaneiro, a nova directiva da OSMF reuniuse para discutir as actuacións que cada compoñente quere impulsar en 2023. O que xurdiu foi unha axenda inicial de traballo para este ano, cunha boa distribución en todas as áreas. Embaixo amósanse algunhas frases directamente de cada unha das compoñentes sobre o que estamos pensando e como e onde queremos contribuír en 2023.

Agradecemos a vosa aportación e participación. Contacta connosco directamente  ou, se es unha persoa membro da OSMF, únete á reunión mensual do Consello. Seguiremos desenvolvendo e perfeccionando as nosas ideas, e teremos unha reunión virtual proximamente.

Mikel:

A recadación de fondos é a miña principal prioridade, apoiar o noso persoal básico e a infraestrutura de forma sostible. Teremos campañas de recadación de fondos en fontes diversificadas, incluíndo pequenos doadores comunitarios, subvencións públicas e privadas e compromisos do sector corporativo. En segundo lugar, centrareime en facer da OSMF un excelente lugar para traballar, seguir implementando os procesos e as estruturas necesarias e apoiándoos para que teñan éxito. Finalmente, como secretario, quero darlle á OSMF un ton de comunicación profesional e receptivo. Canto máis penso niso, máis creo que a excelente comunicación é a clave para tanto: a través da captación de fondos, a creación de reputación e o crecemento da comunidade.

Sara:

Gustaríame centrar este ano en facer que as operacións diarias da OSMF funcionen con máis fluidez, para que o Consello teña máis tempo no futuro para centrarse en asuntos estratéxicos. Isto inclúe unha planificación e un orzamento anuais, comunicacións sen problemas para e desde o Consello e un plan financeiro onde a maioría dos nosos custos operativos se cubran mediante ingresos regulares. Tamén espero obter algo de sabedoría dos nosos grupos de traballo para entender como podemos axudarnos mutuamente para difundir o traballo de forma máis eficiente e con máis ombros.

Guillaume:

  • trasladando o noso rexistro corporativo á UE
  • mellorando a comunicación
  • facilitar melloras de procesos para o etiquetado OSM, como a democracia líquida
  • planificación financeira e orzamento
  • aumentar a diversidade de fontes de captación de fondos
  • con Grant, incrementar a fiabilidade da infraestrutura

Arnalie:

Durante o meu primeiro ano no consello de Consello da OSMF, gustaríame centrarme en:

  • Constituír máis seccións locais
  • Diversificar a pertenza da OSMF, incluíndo os grupos de traballo da OSMF
  • Garantir a sustentabilidade financeira e a captación de fondos eficaz (un aspecto que do que teño que aprender máis e desenvolver persoalmente)

Roland:

Para min, a recadación de fondos é o máis importante que hai que facer agora mesmo. Necesitamos cartos tanto para as melloras tan esperadas como para as operacións diarias, e as nosas fontes tradicionais de ingresos dos membros individuais e corporativos nin sequera cobren as nosas operacións diarias. Ao mesmo tempo, o anuncio de Overture deixou claro que algúns consumidores de datos están dispostos a gastar cartos en datos de mapas fiables. Polo tanto, un elemento básico é axustar os niveis de adhesión corporativa.

Outro aspecto é recadar cartos para proxectos de mellora e mesmo proxectos completamente novos. A historia demostrou que é máis factible conseguir ingresos para ideas concretas que para un fondo abstracto. Mentres o Consello traballe en nome da comunidade, escoitarei as aportacións sobre os proxectos existentes e discutiremos as ideas de novos proxectos que sexan o suficientemente concretos para estimar os custos e ter así unha lista de posibilidades para entusiasmar a quen queira doar. Non espero que todos os proxectos sexan financiados, pero si quero ver todas as oportunidades de financiamento potencial atopando un proxecto impactante no que se poida investir.

Craig:

Agora, neste mes, estou a facer algo de forza coas miñas   promesas electorais .

Quero axudar a OSMF a construír a comunidade de cartografía e apoiar e animar aos líderes comunitarios existentes. O meu esforzo especial estará en África.

Estou ansioso por priorizar o programa de diversidade e inclusión da OSMF. Teño algunhas ideas, pero isto hai que facelo como un esforzo colectivo.

En materia de tecnoloxía, gustaríame apoiar a OSMF para documentar as súas operacións informáticas, actualizar e mellorar o software, ver as estruturas de datos, promover mosaicos de mapas vectoriais e manter o hardware actualizado e fiable.

Tamén estou a facer un esforzo para apoiar a administración dun xeito profesional, centrado na planificación estratéxica, o orzamento, a captación de fondos e as comunicacións.

Mateusz:

Para comezar, é necesario manter as cousas básicas funcionando. Isto aplica á comunidade OSM, aos servidores e ao software crítico. Temos a esperanza en que nestes ámbitos só fagan falta actividades rutineiras.

Estou a traballar nun resumo orzamentario lexible por humanos, necesario para o traballo do Consello de OSMF, unha mellor transparencia e para as persoas interesadas no que realmente está a facer a OSMF, especialmente quen potencialmente poida doar.

O manexo do RXPD está atrapado no limbo e é responsabilidade do Consello de OSMF organizar o manexo desta molesta tarefa.

Por último, quero tomar medidas para facer cumprir os requisitos de atribución.

Coñece o novo Consello da OSMF

En decembro de 2022, catro novas persoas foron elixidas para o Consello da Fundación OpenStreetMap, que complementan as tres que xa prestaban servizo. Estas persoas son Arnalie Vicario, Craig Allan, Mateusz Konieczny e Sarah Hoffmann e únense a Guillaume Rischard, Mikel Maron e Roland Olbricht.

No que respecta ás ambicións de diversidade da OSMF, este colectivo de membros da Xunta é ilusionante por dúas razóns: En primeiro lugar, porque esta é só a segunda vez que o Consello da OSMF conta con múltiples membros femininos e, en segundo lugar, porque esta é a xunta con máis diversidade xeográfica que vimos ao ter representación de catro continentes.

Entón, imos coñecer o Consello de 2023:

Arnalie Vicario (Filipinas)

Arnalie é de Filipinas e cartografa baixo o nome de usuario arnalielsewhere. Defende os datos abertos e é unha apaixonada da construción de espazos inclusivos na comunidade da cartografía aberta. Foi especialista en SIX durante sete anos ata que asumiu o compromiso comunitario (en liña) en 2020. Traballa como responsable de participación na comunidade en liña no Equipo humanitario de OpenStreetMap (HOT, polas súas siglas en inglés) e como nai a tempo completo.

É colaboradora de OpenStreetMap desde 2016, o mesmo ano en que se uniu e pasou a formar parte da comunidade OSM en Filipinas. En 2018, coñeceu á súa parella na conferencia do Estado do Mapa de Milán e volveu reunir o grupo GeoLadies Philippines, unha agrupación de defensa da diversidade comunitaria, a participación colaborativa e os espazos afirmativos, especialmente para mulleres, xunto con outras comunidades pouco representadas en OpenStreetMap. É partidaria e aliada de varias comunidades e redes como Geochicas, Women+ in Geo, Open Heroines e moitas máis.

Podes obter máis información das súas opinións sobre a comunidade en OpenStreeMap e sobre a cartografía aberta humanitaria na Entrevista de podcast de Geomob – Arnalie Vicario: Construíndo espazos inclusivos en OSM, así como a través dos seus diarios OSM.

Craig Allan (Sudáfrica)

Craig procede dun goberno local onde, como planificador espacial, recibiu formación formal en interpretación de fotografías aéreas, fotogrametría e topografía. Utilizou sistemas SIX comerciais desde os anos 80. Comezou polo sinxelo pero moi efectivo Atlas GIS de Strategic Mapping Inc. e pasou máis tarde ao exasperante pero eficaz ARC/INFO de ESRI. Agora é un fan de QGIS e utilízao para apoiar o traballo filantrópico na Rangpur Division de Bangladesh.

Craig céntrase na cartografía en África baixo o nome de usuario cRaIgalLAn. Aprecia poñer unha aldea no mapa xa que isto pode permitir que se coñezan as persoas que alí viven e así reciban apoio ao desenvolvemento e axuda humanitaria. Craig tamén está moi interesado na conservación e no cambio climático, así que fai moita cartografía de bosques ameazados na República Democrática do Congo e de varios lugares de Kenia, incluíndo a reserva de Mara e os bosques e zonas húmidas do interior da cidade de Lamu. Tamén realiza mapas no norte de Chad porque lle interesan tanto os arcos rochosos como os bosques xéricos montanos do Sáhara Oriental que, dalgún xeito, sobreviven nas altas montañas do Sáhara.

Na súa vida laboral posterior, fixo menos xeografía e demografía e máis xestión, incluíndo planificación estratéxica, xestión de riscos, xestión do rendemento, orzamentos e tarefas administrativas. Estas habilidades e experiencias para construír e xestionar organizacións agora emprégaas no interese da Fundación OSM e para crear unha comunidade OSM máis ampla.

Guillaume Rischard (Luxemburgo)

Guillaume Rischard é de Luxemburgo e mapea como Stereo, que é máis fácil de pronunciar (tamén é o seu nome de usuario no wiki). Cando descubriu OpenStreetMap en 2008, só se amosaban algunhas estradas principais ao seu redor. Non tomou o proxecto en serio. En 2011, topouse de novo con nós e viu que o mapa se fixera moito máis preciso. Detectou un nome que faltaba, e cando o viu no mapa cando se actualizou xusto despois de gardalo, quedou enganchado. Cando carga un conxunto de cambios, gústalle abrir ese lugar no seu navegador mentres aínda non se renderiza, e a mesma URL nunha nova pestana uns segundos despois e cambiar entre elas.

Traballa como consultor de datos autónomo e foi o responsable técnico que axudou a impulsar a estratexia do Portal de datos abertos de Luxemburgo, onde conseguiu que se publicaran os enderezos, as ortoimaxes e os datos de mapas oficiais de Luxemburgo.

O máis significativo que escribiu recentemente é o informe do Grupo de traballo de membros sobre as 100 inscricións sospeitosas. Guillaume e o coautor Steve Friedl tiveron oa honra de recibir o premio OpenStreetMap pola súa influencia na conferencia do Estado do Mapa en Heidelberg.

É membro do Grupo de traballo de datos, do Grupo de traballo de membros e ocasionalmente colabora co Semanal OSM .

Mateusz Konieczny (Polonia)

Mateusz cartografa e edita a wiki co seu propio nome. Centra o seu mapeo na topografía local, pero tamén fixo algunhas edicións de bots e edicións remotas. Tamén contribuíu a StreetComplete e outras ferramentas relacionadas con OSM, como os presets de iD e JOSM. Concéntrase moito tempo en contribuír ao wiki de OpenStreetMap, especialmente en documentar esquemas de etiquetado e revisar os ficheiros cargados para asegurarse de que teñen a información de dereitos de copia correctamente engadida.

Mateusz quere contribuír a unha maior transparencia, atribución e cumprimento do RXPD mentres estea no Consello.

Mikel Maron (EUA)

Mikel Maron é un programador e xeógrafo que traballa no usos de impacto comunitario e humanitario do código e os datos abertos. Comezou con OSM en 2005. Foi elixido para o Consello da OSMF en 2015, e anteriormente tamén de 2007 a 2012. Actualmente traballa en The Earth Genome, como xefe de produtos dixitais. No pasado dirixiu o equipo da comunidade en Mapbox. É cofundador do Grupo humanitario de OpenStreetMap, da GroundTruth Initiative e do proxecto Map Kibera . Viaxou moito, organizando proxectos de cartografía na India, Palestina, Exipto, Suazilandia, entre outros.

Mapea baixo mikelmaron e contribúe ao wiki baixo Mikel .

Roland Olbricht (Alemaña)

Roland Olbricht chegou a OSM en 2008. Desde 2011 mantén e opera a API Overpass independentemente do seu traballo diario. Antes da Covid participou en varias reunións locais en Alemaña. Colabora no wiki de OSM co nome de usuario Roland.olbricht .

Na súa vida profesional, Roland fai software para o transporte público como desenvolvedor de software para a empresa MENTZ GmbH .

Sarah Hoffmann (Alemaña)

Sarah Hoffmann leva contribuíndo a OpenStreetMap desde 2008 co nome de usuario lonvia (e colabora no wiki co mesmo nome).

Comezou como unha simple mapeadora, recollendo moitos datos mentres facía sendeirismo polos Alpes suízos. Co paso dos anos involucrouse cada vez máis no desenvolvemento de software para OSM. É mantedora de Nominatim , osm2pgsql , waymarkedtrails.org e outros dous proxectos. Forma parte do equipo de administración do sistema da OSMF, onde é responsable dos servidores de Nominatim e axuda no comité de programas do Estado do Mapa os últimos dous anos.

En 2020 finalmente renunciou a finxir que OSM é só un pasatempo. Actualmente traballa como freelance facendo desenvolvemento e consultoría de software OSM en xeral e de Nominatim en particular. Vive en Dresden , Alemaña.

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeoespaciais gratuítos para que calquera poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas de persoas asociadas e das doazóns e organiza a conferencia internacional anual sobre o Estado do mapa . Os nosos grupos de traballo voluntarios e un reducido persoal traballan para apoiar o proxecto OpenStreetMap. Únete á Fundación OpenStreetMap por só 18 € ao ano ou de balde se colaboras activamente en OpenStreetMap.

Recordatorio: petición de comentarios sobre o modelo de datos

Estudo de modelos de datos

O grupo de traballo de enxeñería da Fundación OpenStreetMap encargou a principios de 2022 un estudo sobre como mellorar o modelo de datos existente. Jochen Topf presentou os resultados deste estudo, incluíndo recomendacións sobre como facer que o modelo de datos OpenStreetMap sexa máis eficiente computacionalmente e máis accesible.

Fixéronse dúas suxestións fundamentais:

  • introducir un tipo de datos de área para representar polígonos
  • desfacerse dos nodos sen etiquetar

Consulta á comunidade

Para decidir os seguintes pasos deste proceso queremos ter máis discusións coa comunidade de desenvolvedores e desenvolvedoras xa que os cambios propostos afectan ao software de OpenStreetMap que depende directa ou indirectamente do modelo de datos.

Únete á discusión

Beneficios potenciais

Menos desorde para as áreas

Algúns cartógrafos poden sorprenderse ao saber que OSM aínda non ten un tipo de datos de área. Despois de todo, o editor iD presenta botóns destacados para debuxar puntos, liñas e áreas. Unha vez cartografadas, estas áreas adoitan aparecer no mapa como se esperaba. A wiki de OSM documenta se unha etiqueta adoita usarse en áreas, e mesmo Overpass Turbo permítelle usar áreas na súa consulta.

Entre bastidores, porén, estas áreas represéntanse como formas ou relacións. Cada ferramenta que traballa con datos OSM usa o seu propio conxunto de regras para adiviñar se un determinado xeito representa unha liña ou unha área. Facer que as áreas sexan parte adecuada do modelo de datos OSM levaría a unha interpretación coherente entre as aplicacións, permitiría que a API evite que se carguen áreas rotas e, eventualmente, pode levar a compatibilidade con descargas parciais de áreas moi grandes.

Manter o procesamento OSM accesible

Actualmente, os camiños están compostos por referencias a nós, e confiamos nestas referencias para determinar como se conectan entre si. Resolver as coordenadas destas referencias de nodos é un proceso custoso dentro da cadea de ferramentas de OpenStreetMap xa que leva horas ou días, mesmo en hardware capaz.

No futuro, podemos modelar formas como unha simple lista de coordenadas, dependendo da implementación exacta coa que acabemos. Isto ofrecería grandes beneficios de rendemento, pero desfacerse dos nodos sen etiquetas sería un cambio significativo.

A primeira vista, as melloras de rendemento poden non parecer especialmente interesantes. Pero o fácil que é traballar cos nosos datos incide directamente no útil que é OpenStreetMap para o mundo en xeral. Como observa Jochen: “O obxectivo é manter a OSM como ese gran recurso que pode ser utilizado non só por empresas multimillonarias senón tamén por un estudante que quere crear un mapa do mundo no seu caderno ou unha activista cunha modesta computadora de segunda man”.

Un mellor histórico para OSM

Moitos cartógrafos quedan decepcionados cando se dan conta das poucas cousas que pode mostrar a pestana do histórico do sitio web. Hai moitas ferramentas, como OSMCha e Achavi, que ofrecen moito máis, pero aínda requiren un certo grao de competencia para usalas.

Podes preguntar por que, e a resposta é moi técnica: a localización dunha única versión dun camiño, en moitos casos, non está definida. É a razón pola que o seguimento de cambios seguía sendo unha disciplina experta con ferramentas relativamente pouco amigables para quen recén chega. Ao cambiar o modelo de datos afastarémonos desa barreira e, posteriormente, podemos esperar ferramentas substancialmente mellores, pero non antes de obter as coordenadas e versións adecuadas para as formas.

Xeración de mosaicos vectoriales

Aínda que hai un gran número de xeradores de mosaicos vectoriais maduros hoxe en día, aínda temos un par de problemas.

  • Un deles é cales son as características que se incluirán nos mosaicos vectoriais de openstreetmap.org
  • A outra é como conciliar actualizacións minuciosas con mosaicos vectoriais para un rendemento a un nivel aceptable.

Esa tarefa faise unha orde de magnitude máis fácil se non só podes paralelizar realmente a xeración de mosaicos, senón tamén elidir o primeiro e custoso paso para descubrir a que mosaico pertence un camiño modificado.

Quizais poidamos atopar alguén que encapsule a potencia informática bruta necesaria para facelo. Pero aínda que sexa así, isto sería un grao de dependencia non moi desexable con esa persoa.

Entón, os mosaicos vectoriais para openstreetmap.org son en principio posibles sen este cambio de modelo de datos, pero a un custo moito maior que só o hardware especializado poderá manter ao día con todos os minuciosos cambios.

Dá a túa opinión sobre o futuro

Algún tipo de cambio é inevitable. O crecemento da base de datos OSM está a superar as melloras de velocidade no hardware, e o modelo baseado en ID significa que non se pode paralelizar todo o proceso coa aceleración total. No pasado era posible manterse ao día dos cambios, pero agora necesita máis e máis trucos. Hai un punto no futuro no que tamén o hardware especializado será suficiente para manterse ao día dos minuciosos cambios.

Non obstante, hai moitos enfoques posibles para afrontar este desafío. Agora é a oportunidade para que a comunidade de desenvolvedores e desenvolvedoras compartan a súa opinión sobre o camiño a seguir.

A Fundación OpenStreetMap é unha organización sen ánimo de lucro, creada para apoiar o proxecto OpenStreetMap. Adícase a fomentar o crecemento, o desenvolvemento e a distribución de datos xeoespaciais de balde para que calquera poida empregalos e compartilos. A Fundación OpenStreetMap posúe e mantén a infraestrutura do proxecto OpenStreetMap, recibe o apoio financeiro das cotas das persoas socias e das doazóns e organiza a conferencia internacional anual sobre o Estado do mapa . Os nosos grupos de traballo voluntarios e un reducido persoal traballan para apoiar o proxecto OpenStreetMap. Únete á Fundación OpenStreetMap por só 18 € ao ano ou de balde se colaboras activamente en OpenStreetMap.

Visión da Fundación OpenStreetMap sobre o lanzamento de Overture

O lanzamento da Fundación Overture Maps  é un desenvolvemento significativo no mundo dos datos abertos de mapas. Quen fundou Overture son líderes influentes da industria tecnolóxica e comprometeron moitos recursos. Aínda que moitos detalles de Overture seguen sen estar claros, a Fundación OpenStreetMap está interesada en comprender mellor o proxecto. No mellor escenario, OpenStreetMap beneficiaríase dos avances de Overture no desenvolvemento de software, dos datos e do financiamento. Non obstante, tamén recoñecemos os riscos e seguiremos desenvolvendo a nosa capacidade para facer medrar a comunidade e financiar a nosa infraestrutura e o desenvolvemento futuro.

Os datos de OpenStreetMap están dispoñibles para que os utilice calquera, desde creadores e creadoras de mapas afeccionados ata corporacións globais, e animamos a Overture a que faga o mesmo, seguindo as expectativas da nosa comunidade e os termos de licenza. Os problemas técnicos que aborda Overture, como os controis de calidade, a integración de datos e o aliñamento dos esquemas, son valiosos para calquera provedor de datos de mapas. Sabemos que os consumidores de datos estiveron traballando illados nestes desafíos durante demasiado tempo e, ao sacar estes problemas ao ámbito común e as ferramentas de fonte aberta, todos podemos beneficiarnos.

Despois do anuncio, tivemos conversacións informais con algunhas persoas implicadas en Overture para facer preguntas e aprender máis. En particular, preguntamos sobre como se solapa o traballo de Overture co de OpenStreetMap e cal será a futura participación das empresas membros en OpenStreetMap. As respostas foron útiles, aínda que quedan moitas preguntas. Animamos a Overture a interactuar coa nosa comunidade e a compartir os seus plans publicamente. Compartiremos aquí algúns puntos que foron discutidos de xeito informal.

Sempre que se falou se fixo fincapé en que Overture non ten a intención de substituír ou bifurcar OpenStreetMap. Ven o traballo como complementario. As empresas individuais esperan seguir traballando directamente con OpenStreetMap, e incluso poden aumentar a súa participación, incluídas as achegas financeiras. As edicións de mapas adecuadas para OpenStreetMap deberían ir a OpenStreetMap. Este compromiso declarado co traballo e a comunidade de OpenStreetMap tamén suxire que as empresas e a Fundación Linux están a bordo para apoiar financeiramente a OpenStreetMap. Overture uniuse cun pequeno grupo, e a intención é medrare traballar moitos detalles. Agradecen a participación de OpenStreetMap na forma que teña máis sentido.

A comunidade OpenStreetMap ten unha ampla experiencia e coñecemento no traballo coas realidades diversas e complexas dos datos xeográficos e compilalos nun conxunto de datos global unificado. Este coñecemento pode ser apoiado pero non substituído por enfoques automatizados. Cremos firmemente que o noso enfoque de recollida de datos impulsado pola comunidade seguirá a ser fundamental para calquera mapa global. A misión da Fundación OpenStreetMap (OSMF) de apoiar o crecemento e desenvolvemento da comunidade OSM é máis importante ca nunca.

Animamos a Overture a relacionarse coa Fundación e a comunidade OpenStreetMap, e facernos parte da discusión estratéxica de Overture de forma holística. A través dun bo compromiso, podemos identificar áreas para colaborar e aportar melloras ao núcleo de OpenStreetMap, en lugar de crear esforzos duplicados ou competidores. Os recursos que os fundadores de Overture están a investir no proxecto, e o seu compromiso declarado co traballo e a comunidade de OpenStreetMap, amosan o valor que dan aos bos mapas e o potencial para apoiar melloras nas áreas fundamentais da misión de OpenStreetMap. Damos a benvida a Overture para discutir co Consello da OSMF e explorar as mellores formas de facilitar a comunicación continua, a toma de decisións, a colaboración e o apoio.

Presentamos a lapela Comunidades en OSM.org

Hai unha nova forma de atopar as comunidades de OSM e conectar con elas.

Na esquina superior dereita de OSM.org agora podes ver unha pestana “Comunidades” que enlaza a un espazo único e centralizada que enumera as seccións locais formalmente constituídas, así como moitas outras comunidades de OSM. Tendo en conta o número de comunidades que hai e o rápido que está a medrar OSM, é un bo momento para engadir unha forma destacada de conectarse.

Segundo o membro de Grupo de traballo de seccións locais e comunidade Joost Schouppe, a nova pestana “probablemente sexa o cambio máis visible en osm.org desde a adición de Notas”.

Unha vez que navegas ata a nova páxina de Comunidades, verás listadas as seccións locais que se envían de forma dinámica a través do índice de comunidades de OSM. De feito, o aspecto máis difícil do proxecto foi descubrir como integrar na páxina os datos do índice de comunidades de OSM (OCI, polas súas siglas en inglés) en lugar de engadir unha simple lista de seccións locais como contido estático. Como sinalou o mantedor do sitio web Andy Allan: “O último tería sido rápido e sinxelo, pero usar o OCI significa que se actualiza automaticamente cando se engaden novos capítulos, e tamén significa que estamos a reutilizar todas as traducións para os nomes das seccións locais nas 46 diferentes linguas que xa apoiamos”.   

Aínda que actualmente non hai unha forma de capturar dinámicamente todas as outras comunidades menos formalizadas, a adición da sección “Outros grupos” destaca a súa existencia e indica o camiño para obter máis información.  

“É só un comezo”, di o membro do grupo de traballo de comunidade Adam Hoyle, quen tamén traballou no proxecto.  “O ideal é que isto poida converterse nunha páxina centralizada aínda mellor para que as persoas e as comunidades se atopen entre si”. 

Mostrar unha lista de seccións locais só é rascar a superficie do que se pode facer, agora que se resolveron os diversos desafíos técnicos subxacentes. Por exemplo, cando os novos cartógrafos e cartógrafas establezan a localización do seu fogar no perfil, poderían mostrarse inmediatamente unha lista de foros locais, grupos de cartografía e canles de comunicación personalizadas para a súa localización no seu panel persoal. 

A clave para enviar melloras adicionais á páxina “Comunidades” é contar con voluntariado para axudar. “Toda esta información da comunidade xa está no índice de comunidades de OSM, polo que agora necesitamos persoas que axuden a ampliar a nosa integración”, di Allan. Schouppe engade que “este asunto en particular está na axenda do grupo de traballo de comunidades locais desde outubro de 2020 e Adam comezou a traballar nel en xaneiro de 2021. Isto demostra que, como todos somos persoas voluntarias, leva moito tempo e esforzo evolucionar osm.org, pero pódese facer”.

→ Para contribuír ao desenvolvemento de OSM.org, podes visitaro Github principal e/ou esta entrada, que destaca as moitas solicitudes de extracción existentes e dá ideas sobre como contribuír.

→ Para axudar ao grupo de traballo nos seus esforzos para axudar ás comunidades locais a medrar, únete a unha das súas canles.

 Gustaríame agradecer a Adam Hoyle polo seu traballo e paciencia mentres traballabamos  mediante a posta en marcha das bases técnicas, que levou un tempo pero que nos preparan para o futuro; e tamén ao equipo que está detrás de índice de comunidades que fixo algúns cambios no seu lado das cousas para axudarnos a conseguir as traducións  totalmente funcionando con máis facilidade. –-Andy Allan

The OpenStreetMap Foundation is a not-for-profit organisation, formed to support the OpenStreetMap Project. It is dedicated to encouraging the growth, development and distribution of free geospatial data for anyone to use and share. The OpenStreetMap Foundation owns and maintains the infrastructure of the OpenStreetMap project, is financially supported by membership fees and donations, and organises the annual, international State of the Map conference. Our volunteer Working Groups and small core staff work to support the OpenStreetMap project. Join the OpenStreetMap Foundation for just £15 a year or for free if you are an active OpenStreetMap contributor.