As persoas membros da Fundación OpenStreetMap votarán ó novo Consello en decembro.

Quen pode presentarse?

Calquera persoa física pode ser electa membro do Consello, sempre que:

• sexa membro normal da Fundación OSM [1] (non teña membresía asociada [2]) e o fora durante os 180 días anteriores á Xunta Xeral (a data de inicio da membresía normal debe ser anterior ó 14 de xuño de 2021), e
• teña a disposición a actuar como membro do Consello, e
• non estea impedido pola lei.

[1] As persoas con membresía normal proporcionan un enderezo completo e poden votar todos os temas. O seu enderezo pode ser revelada ó resto de membros.
[2] As persoas con membresía asociada proporcionan unicamente o seu país de residencia - que podería tamén ser revelado ó resto de membros - e poden votar, pero non todos os temas. Ademais, non poden presentar a súa candidatura ó Consello.

Se queres coñecer o teu tipo de membresía (normal ou asociada), revisa a última mensaxe de aprobación ou novación ou envía un correo electrónico ó voluntariado do Grupo de traballo de membros a membership@osmfoundation.org

Cadeiras dispoñibles nesta elección

As eleccións ó Consello de 2021 elexirán 4 postos. Os de M. Maron, A. R. McCann, A. Mustard e G. Rischard. Tanto T. Knerr, JM Liotier como E. A. Villar continuarán no Consello.

Na actualidade o Consello está composto por sete postos e a participación é voluntaria.

Que é (e non é) o Consello, normas, responsabilidades e por que presentarse

Podes ler estas ligazóns na wiki de OSM.

Moito do traballo da Fundación está realizado polo voluntariado dos grupos de traballo e, se queres axudar á Fundación, tamén podes unirte a un deles.

Como presentarse

As auto-nominacións ó Consello abrirán o 16 de octubre de 2021 e poderás presentarte nesta páxina da wiki de OpenStreetMap: https://wiki.openstreetmap.org/wiki/Foundation/AGM21/Election_to_Board#Candidates

Podes crear unha conta na wiki de OSM aquí e engadir o teu nome no cadro que se agregará na data prevista editando a páxina aquí (agarda até o 16 de outubro de 2021 para facelo).

Recursos sobre as eleccións de 2021 ó Consello Resources e sobre a Xunta Xeral Anual

As dúas principais páxinas onde pòdes atopar información sobre as eleccións de 2021 e a Xunta Xeral Anual son:

Wiki da OSM: https://wiki.openstreetmap.org/wiki/Foundation/AGM21/Election_to_Board e

Sitio web da OSMF: https://www.osmfoundation.org/Annual_General_Meetings/2021

Como podes axudar?

Algunhas das persoas que son ou foron membros do Consello mencionaron que nunca pensaron en presentarse até que alguén lles fixo esa suxestión. É posible que desexes pensar se queres presentar a túa candidatura ó Consello ou facerlle esa suxestión a algúen.

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Para obter notificación das novas publicacións: Subscríbete ó feed RSS

Para apoiar o desenvolvemento do código aberto arredor de OpenStreetMap, a Fundación OSM Foundation creou recentemente o Grupo de traballo de enxeñaría (EWG). O grupo nace coa intención de apoiar os proxectos de software de códico aberto con financiación directa, programas de mentoría e a través dunha plataforma de coordinación.

Por que este grupo de traballo?

OpenStreetMap está baseado nun basto ecosistema de software de código aberto. Isto inclúe as ferramentas utilizadas polas persoas mapeadoras para ver e aportar datos, o software que impulsa os nosos servidores de bases de datos e o noso sitio web, as bibliotecas e os contornos empregados polas persoas desenvolvedoras para crear aplicacións orientadas a quen utiliza os datos de OSM e moitas outras aplicacións.

Os equipos de desenvolvemento crean este produtos de software son, polo xeral, entidades independentes separadas da Fundación OpenStreetMap (OSMF). Isto é por deseño: a comunidade OSM valora a fago-cracia e a descentralización, así que a OSMF non xestiona proxectos de software. Por contra, isto non significa que non haxa na Fundación intención de respaldar este ecosistema.

Que facemos?

O Grupo de traballo de enxeñaría (EWG) está encargado de:

• O manexo do desenvolvemento de software pagado pola OSMF, o que inclúe a distribución de subvencións. Isto implicará a realización de convocatorias de propostas sobre tarefas de interese e a aceptación doutras propostas.
• Brindar unha plataforma para a coordinación dos esforzos de desenvolvemento de software en todo o ecosistema de OSM. Queremos fomentar a estandarización e os esforzos compartidos entre proxectos reunindo ás persoas que desenvolven que teñen intereses semellantes. Este traballo tamén inclúe responder a correos electrónicos e poñer en contacto a unhas persoas con outras ou cos recursos axeitados.
• Xestionar a participación de OSM en programas de titoría de software como Google Summer of Code, que axudan a medrar a comunidade de persoas desenvolvedoras de OSM.

Para manexar o desenvolvemento pagado, as “tarefas” inclúen o desenvolvemento de novas funcións, o mantemento do código, a documentación ou outras que melloran a experiencia de quen desenvolve. Cando estemos preparados para comezar a outorgar subvencións, alentaremos as solicitudes de persoas capacitadas que non sexan profesionais do sector, e tamén as de profesionais ou empresas.

A OSMF impulsou anteriormente proxectos de software a través de micro doazóns, así como por separado con fondos para Nominatim, osm2pgsql, Potlatch 2 e iD. Co EWG, este tipo de apoio será realizado sobre uns alicerces máis sólidos.

Na nosa primeira rolda, procuraremos proxectos que non precisen de moita xestión e centraremos a meirande parte dos nosos esforzos no software base. Ó igual que con todo o traballo pagado pola OSMF, aplicaranse os principios do marco de contratación.

A quen procuramos?

Como grupo que inicia, buscamos membros adicionais.

Damos a benvida especialmente a persoas con coñecementos sobre a tecnoloxía empregada nos sistemas chave de OSM, como o rails port, Ruby on Rails en xeral e a implementación cgimap da API principal de OSM, así como a aqueles que poden axudar en áreas como deseño da interface de usuario, que non están ben cubertas polos membros existentes.

Porén, non precisas coñecer ningunha tecnoloxía en particular para participar! Así que, se tes experiencia co ecosistema de software OSM, desenvolvendo software ou administrando o desenvolvemento de software, repara en unirte a nós!

Esta tradución foi realizada pola comunidade.

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Para obter notificación das novas publicacións: Subscríbete ó feed RSS

O Estado do Mapa 2021 (SotM, polas súas siglas en inglés) vai ser unha conferencia virtual, igual que o ano pasado. Terá lugar do 9 ó 11 de xullo de 2021. Ofertamos un programa principal coas clásicas charlas durante tres días. Ó redor dese programa haberá talleres, paneis, sesións de discusión e moito máis.

Todas as ponencias celebraranse en inglés, xa que este é o idioma da conferencia, pero este ano queremos probar algo novo: queremos ofrecer intérpretación a outros idiomas. Experimentaremos con Mumble como plataforma de interpretación e veremos se podemos atopar suficientes voluntarios para poder facelo.

Medios técnicos

Empregaremos un servidor Mumble con canles diferenciadas para cada idioma. O ou a intérprete é a única persoa que pode falar nesa canle. Todas as persoas visitantes da canle están silenciadas e só poderán escoitar a interpretación. A quen asista a unha charla mostraráselle unha lista de idiomas dispoñibles e terán que acceder ó servidor Mumble se desexan escoitar algún dos outros idiomas.

Sobre o voluntariado intérprete

Antes do día da conferencia, as e os intérpretes terán a oportunidade de ver as charlas gravadas previamente e escoller as ponencias que queren traducir. Isto dará tempo para preparar e tomar algunhas notas e ofrecer a interpretación na canle Mumble durante a charla. O equipo organizador tamén proporcionará información sobre Mumble para axudar a familiarizarse coa plataforma.

Precisamos de ti!

Dependerá da actividade e do compromiso da comunidade OpenStreetMap ata onde poidamos ofrecer este servizo no SotM, como todo o demais no SotM. Entón, a pregunta é: hai persoas voluntarias que queiran apoiar o SotM como intérpretes? Toda a intensidade e cantidade de apoio é benvida. En canto se publique o programa, estimamos que a principios de xuño, poderase escoller a charla ou as conversas que se desexen interpretar.

Ponte en contacto connosco por correo electrónico no enderezo sotm@openstreetmap.org antes do 28 de xuño (dúas semanas antes da conferencia) para que teñamos tempo suficiente para incorporarte na plataforma Mumble. Envíanos o idioma que queres ofrecer, todos son benvidos. Agardamos que haxa unha demanda maior de francés e español, pero será excelente poder ofrecer todos os posibles.

O Comité organizativo do SotM

Rexístrate para recibir actualizacións e síguenos en @sotm!

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

O Estado do Mapa é a conferencia anual internacional de OpenStreetMap, organizada pola Fundación OpenStreetMap. A Fundación OpenStreetMap é unha organización sen ánimo de lucro, formada no Reino Unido para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap é propietaria e mantén a infraestrutura do proxecto OpenStreetMap e podes apoialo converténdote en membro. O Comité organizativo do Estado do Mapa é un dos nosos grupos de traballo de voluntarios.

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

A primeira exposición virtual de pósteres no SotM 2020 foi un éxito. Moitas grazas a quen participou. Sobre esta base e cos principios que promove o Estado do Mapa, estamos encantados de escoitar e ver o que se fai con OpenStreetMap. Lanzamos o convite para participar co teu póster na exposición virtual do Estado do Mapa 2021.

O póster pode amosar o ben que está cartografada a túa rexión. Tamén pode ser un novo estilo ou un mapa bonitos. Pode estar centrado nun proxecto comunitario, de investigación académica ou estatística. Tamén pode ser un póster que explicativo ou que convide á xente a usar OpenStreetMap. Calquera cousa sobre ou relativa a OSM é benvida. Podes atopar inspiración consultando os pósteres do SotM 2020 – https://2020.stateofthemap.org/posters/

Normas de presentación

• O póster debe ter un tamaño A0 (841×1189 mm)  
• O póster debe ter relación con OpenStreetMap
• O póster debe ser aberto, innovador e transparente (sen plaxiar)
• O póster debe ser un traballo propio (individual, de equipo ou dunha institución)
• O póster debe empregar unha licenza aberta (recomendamos CC-BY-SA 3.0, ou unha posterior, ou CC0 🙂 )
• O máximo é de 2 pósteres por persoa, equipo ou institución

Como entregalo

• Sube o teu póster a través de https://files.osmfoundation.org/s/QJ9ewPRdDscpwoo
• O tamaño máximo do arquivo é de 30-40 MB
• Formato: PDF
• Envía un correo electrónico a sotm@openstreetmap.org coa descripción do teu póster. Podes incluír, por exemplo, os antecedentes do proxecto ou aquilo que sería importante mencionar para poñelo en contexto. É dicir, todo aquilo que lle contarías a quen lle amoses o póster. Publicaremos esa descripción xunto co póster no sitio web do SotM.
• Menciona tamén neste correo o nome do arquivo que subiches para que poidamos saber cal é o teu.

Prazos

• Data límite: 27 de xuño de 2021

O equipo do SotM agarda preseleccionar 20 pósteres que será publicados no sitio web e noutras canles do SotM baixo licenza CC BY SA 3.0 (ou posterior).

O Comité organizativo do SotM

Rexístrate para recibir actualizacións e síguenos en @sotm!

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

O Estado do Mapa é a conferencia anual internacional de OpenStreetMap, organizada pola Fundación OpenStreetMap. A Fundación OpenStreetMap é unha organización sen ánimo de lucro, formada no Reino Unido para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap é propietaria e mantén a infraestrutura do proxecto OpenStreetMap e podes apoialo converténdote en membro. O Comité organizativo do Estado do Mapa é un dos nosos grupos de traballo de voluntarios.

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

A concocatoria de sedes para o Estado do Mapa 2022 xa está aberta!

https://wiki.openstreetmap.org/wiki/State_of_the_Map_2022/Call_for_venues

Le as guías e os criterios de selección na páxina da wiki de OSM e comeza a elaborar a túa solicitude para ser sede da conferencia o ano próximo. Crea un equipo, dálle forma a túa idea e envía a túa proposta especificando a túa cidade como anfitrioa para o SotM 2022!

Esta convocatoria anticipada dá maior flexibilidade nas datas a escoller para o 2022. Por favor, revisa cando son outros eventos relacionados con OpenStreetMap (como o FOSS4G ou o SotM local) para evitrar posibles enfrontamentos con outras conferencias importantes para a comunidade.

A data límite para as propostas de sedes do SotM 2022 é o 15 de agosto de 2021. A anfitrioa seleccionada será anunciada en outubro de 2021.

Precisas axuda? O grupo de traballo do SotM está dispoñible para calquera aclaración! A nosa recomendación é que contactes con nós en sotm@openstreetmap.org canto antes para poder ofrecer as indicacións necesarias.

O Comité organizativo do SotM

Rexístrate para recibir actualizacións e síguenos en @sotm!

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

O Estado do Mapa é a conferencia anual internacional de OpenStreetMap, organizada pola Fundación OpenStreetMap. A Fundación OpenStreetMap é unha organización sen ánimo de lucro, formada no Reino Unido para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap é propietaria e mantén a infraestrutura do proxecto OpenStreetMap e podes apoialo converténdote en membro. O Comité organizativo do Estado do Mapa é un dos nosos grupos de traballo de voluntarios.

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Despois de dous anos e medio desenvolvendo iD, Quincy desexa pasar o testigo por razóns persoais. En conxunto coa Fundación OpenStreetMap, deixará iD en boas mans. A Fundación está actualmente comezando o proceso de busca de alguén que o substitúa cunha consulta á comunidade de OSM sobre un posto pagado que sirva ás persoas usuarias de iD.

Para garantir a continuidade, Quincy formará parte dun grupo de traballo da Fundación OpenStreetMap. Un entorno privilexiado para transmitir os seus coñecementos mentres, quen o suceda, avanza no dominio de iD.

A Fundación OpenStreetMap mantén o seu compromiso total de apoio ó editor a través do cal o 80% das persoas contribúen na casa común de OpenStreetMap.

A Fundación ten que agradecer a Quincy o seu gran traballo en iD.

Abril trae dous días de conmemoracións internacionais que ofrecen ideas divertidas para o cartografado. O Día da Terra o 22 de abril demostra o apoio á protección do medio ambiente e, un menos coñecido, o Día Internacional dos Voos Espaciais Tripulados o día 12, que foi creado polas Nacións Unidas 50 anos despois do primeiro voo espacial tripulado de Yuri Gagarin.

Estas celebracións están ligadas de forma intrínseca na famosa imaxe do albor da Terra, que axudou a espertar a conciencia ambiental global que conduciu ó primeiro Día da Terra no ano 1970. O aumento da dispoñibilidade de imaxes de observación do planeta desde isto ten axudado directamente a OpenStreetMap a ser o mapa global.

HAi unha chea de oportunidades de cartografar relacionadas co Día da Terra. Podes mapear areas naturais, reservas e parques, puntos de reciclaxe e outros moitos tipos de elementos no proxecto medioambiental de OSM.

Para o Día Internacional dos Voos Espaciais Tripulados, inda que OSM non se encarga do espazo exterior (polo momento), podes mapear elementos terrestres relacionados cos voos espaciais como lugares de lanzamento, instalacións relacionadas co espazo, lugares históricos ou museos ou todas as cousas nomeadas polo espazo exterior.

Cartografar a Terra

O proxecto medioambiental de OSM ten grandes ideas, para o local e o global.

Podes botarlle unha ollada ás etiquetas e elementos relacionados coa reciclaxe ou ós contedores de reciclaxe públicos e centros de reciclaxe e ver se falta algún preto de ti.

Poderías axudar a cartografar o teu espazo verde favorito ou unha área natural, xa sexa silvestre, un parque ou doutro tipo. Os parques e reservas naturais están incluídos normalmente en boundary=protected_area, ou poderías probar a mapear os usos da terra, as zonas húmidas ou os estuarios. Tamén existen instalacións de enerxía limpa como as de enerxía eólica, hai algunha preto de ti sen cartografar? Outras ideas inclúen as rutas de ciclismo ou senderismo, ou podes buscar se existe algunha industria contaminante preto de ti que non estea aínda no mapa.

A lista de tarefas tamén inclúe proxectos de varias ONG relacionadas con temas ambientais, como o cartografado de lugares en risco polo cambio climático.

Podes tamén botarlle un ollo a localizacións relacionadas co medio ambiente: o Programa das Nacións Unidas para o Medio Ambiente ten a súa sede en Nairobi, a primeira folga escolar polo clima de Greta Thunberg tivo lugar no Parlamento sueco e mesmo hai un monumento do Día da Terra en Orlando (EUA).

Mapear os voos espaciais

Hai moitas opcións desde a terra para cartografar os voos espaciais! OSM ten etiquetas para portos espaciais e plataformas de lanzamento e a Wikipedia ten unha lista de lugares de lanzamento de foguetes que inclúe as coordenadas de lonxitude e a latitude. Hai portos espaciais arredor de todo o mundo tamén (via Overpass). Podes botar un ollo a algún nas túas proximidades para asegurarse de que todo está mapeado e etiquetado de forma correcta na súa contorna ou se falta algúns no mundo. (Asegúrate de seguir as normas locais de etiquetaxe.)

Tamén podes asegurarte de que os planetarios e os museos espaciais próximos a ti están cartografados.

E hai moitos lugares divertidos relacionados cos voos espaciais: por exemplo, a a escultura do foguete Fremont de Seattle (EUA) e bares como o Rocket de Londres (Reino Unido) ou de Jena (Alemaña).

E, por suposto, hai cousas relacionadas cos voos espaciais non humanos, como o incidente ovni en Roswell, New Mexico (EUA), onde está o Museo e Centro de Investigación Internacional de Ovnis, o o bosque Rendelsham onde aterran ovnis no Reino Unido e a torre de auga con forma de prato voador Nave do ET en Varginha, no Brasil.

Dinos o que estás a mapear e cóntanos nos próximos días que publicacións poderían ser interesantes para o blog de OSM.

Créditos das fotos:

Solpor da Terra: William Anders/NASA, dominio público Aeroxerador: © Hans Hillewaert / CC BY-SA 4.0 Transbordador espacial: NASA, dominio público Foguete Fremont: damnitgetmybeer/Mapillary, CC BY-SA 4.0

O voluntariado da comunidade OpenStreetMap estase a unir para mellorar a forma na que nos comunicamos nos espazos centrais e nós tamén queremos axudar! O subcomité de moderación do Grupo de traballo de seccións locais e comunidades convídavos a participar neste proceso.

O subcomité creou un espazo de traballo para axudar a comprender que tarefas se están a realizar e un plan de implementación que fai unha aproximación paso a paso, incluíndo como se pode participar e os diferentes tipos de contribución que as persoas membro da comunidade poden aportar.

Por favor, emprega uns minutos en compartir as túas ideas e calquera interese co proceso de participación a través deste formulario. Fai correr a voz! Por favor, comparte este formulario con calquera que poda ter interese. O fomulario pecha o 10 de abril de 2021. Moitas grazas!

Esta semana foi engadido o conxunto de datos cenmillonésimo a OpenStreetMap. Este logro representa a contribución colectiva de preto de mil millóns de características globais nos últimos 16 anos pola diversa comunidade mapeadora conformada por máis dun millón e medio de persoas.

O resultado é o conxunto de datos de mapas abertos máis grande do mundo, que proporciona unha infraestrutura crítica para a comprensión do planeta e o avance da sociedade.

O conxunto de datos 100.000.000 foi aportado por Lamine Ndiaye. Engadiron edificios en Nianiane, Sénégal. Podes ver proximamente unha entrevista con este mapeador na próxima edición de WeeklyOSM.

100 millóns de veces unha persoa decidiu compartir o seu coñecemento do mundo cos demais. 100 millóns de grazas. O mapeado medra e acelera e o conxunto de datos 90 millóns foi hai só 6 meses.

Uniraste a nós para lograr as próximas 100 millóns de contribucións? Comeza agora!

OpenCage é un membro corporativo da Fundación OpenStreetMap de nivel prata, o que lle dá dereito a este comunicado de prensa conxunto. Se a súa organizón desexa apoiar máis a OSMF, por favor, considere a adhesión á OSMF como membro corporativo ou lea sobre outras formas de colaborar.

A xeocodificación é o proceso de conversión de enderezos ou topónimos en coordenadas xeográficas (lonxitude e latitude). A xeocodificación é unha función xeoespacial fundamental, un bloque subxacente que é fundamental para desenvolver servizos baseados na localización.

O membro corporativo da Fundación OpenStreetMap OpenCage opera unha API de xeocodificación de nivel empresarial de alta dispoñibilidade baseada en OpenStreetMap. Comprácenos anunciar que OpenCage incrementou recentemente o seu compromiso coa Fundación OpenStreetMap ó converterse a membro corporativo de nivel prata.

“Durante anos o noso servizo estivo baseado en OpenStreetMap. Estamos encantados de incrementar o noso apoio continuo á comunidade OSM mundial aumentando o noso nivel de compromiso coa Fundación OpenStreetMap.” dixo Ed Freyfogle, cofundador de OpenCage.

“É un bo fito que o negocio medrase ata o punto de poder actualizar de bronce a prata. Pero máis aló do apoio financeiro, o principal traballo que facemos é abrir os ollos dos nosos clientes, quen na súa maioría chegan simplemente sabendo que precisan xeocodificación e sen unha comprensión detallada dos datos abertos – dos seus múltiples beneficios. Os nosos clientes en todo o mundo son a proba de que OpenStreetMap pode usarse comercialmente non nun futuro teórico distante, senón hoxe”, continuou Freyfogle.

Un exemplo dese tipo de traballo educativo é a Guía de xeocodificación inversa publicada recentemente por OpenCage, que detalla os desafíos técnicos de seguir operando un servizo de xeocodificación inversa, ó tempo que documenta os beneficios do uso de datos abertos como base do dito servizo.

OpenCage ofrece os SDK de código aberto para acceder á súa API de xeocodificación en máis de 30 linguaxes de programación diferentes.

Ademais de ser membro corporativo da OSMF, OpenCage está orgulloso de ser membros local no Reino Unido (naceron no no Reino Unido) e Alemaña (operan tamén alí), copatrocinar e contribuír no desenvolvemento de código aberto de Nominatim (o principal software de xeocodificación de OpenStreetMap) e patrocinar regularmente eventos de OpenStreetMap.

OpenCage tamén fomenta a xeoinnovación coa organización de Geomob, un ciclo regular de eventos presenciais e en liña co obxectivo de promover a xeoinnovación en todas as súas formas, xa sexa por “diversión ou beneficio”, como di o slogan do evento. Agora, no seu décimo terceiro ano, Geomob converteuse nunha referente consolidado na paisaxe de eventos xeográficos europeos e presenta regularmente proxectos que usan OpenStreetMap.

A principios do ano 2020 lanzouse o podcast de Geomob. As conversas semanais ofrecen a oportunidade de reflexionar sobre as tendencias da industria xeográfica, discutir novas e interesantes tecnoloxías xeográficas e entrevistar ás persoas usuarias de Geomob. Foron convidados ó podcast moitos membros da comunidade OpenStreetMap, incluíndo Allan Mustard (presidente do consello da OSMF), Tyler Radford (director executivo do equipo de OpenStreetMap Humanitario), Sarah Hoffmann (mantedora da ferramenta de xeocodificación Nominatim, que potencia a busca de osm.org), varios fundadores de empresas que constrúen a OpenStreetMap e moitos máis.

Que é OpenStreetMap?

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Que é a Fundación OpenStreetMap?

A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.