Monthly Archives: August 2020

Es unha persoa que contribúe de forma activa a OSM? Agora pódeste unir á Fundación OpenStreetMap

Datos do mapa de contribuidores/as de OpenStreetMap. Logo oficial de OSM de Ken Vermette, CC-BY-SA 3.0 e aplican os dereitos de marca. Imaxe de CWG CC BY-SA 2.0

Se contribúes de forma significativa ó proxecto OpenStreetMap, deberías ter voz na Fundación OpenStreetMap, que apoia o proxecto, e poder votar os e as membros do seu Consello de administración. Agora existe un xeito máis sinxelo e barato de se converter en membro da Fundación OpenStreetMap:

Os voluntarios do Grupo de traballo de membros da OSMF acaban de implementar un novo programa de adhesión para persoas que contrinbúen activamente, co que podes solicitar de forma fácil ser membro asociado da Fundación e que non precisa do pago da cota de afiliación.

Que podo facer como membro asociado da OSMF?

  • Podes votar ás persoas candidatas ó Consello nas eleccións.
  • Podes votar algúns temas durante as asembleas xerais (pero non todos).
  • Podes participar con outros e outras membros nas discusións na listaxe de correo da OSMF (se xa es membro da OSMF, rexístrate aquí; consulta o arquivo completo dispoñible).
    • A subscrición á listaxe de correo é opcional.
    • Tes a opción de recibir unha única comunicación diaria, que contén todos os correos electrónicos dese día.
    • Non dubides en enviar correos electrónicos no teu idioma 🙂
  • Poderás dicir con orgullo que es membro da OSMF 🙂

Como funciona?

Automáticamente concederemos a condición de membro asociado ós cartógrafos que o soliciten e que teñan contribuído polo menos 42 días naturais no último ano (365 días).

Non todo o mundo contribúe co mapeo, e algúns dos nomes máis familiares dos nosos membros apenas se mencionan nos mapas. Algunhas persoas están moi implicadas, por exemplo, na organización de conferencias. Tamén se recoñecen estas outras formas de contribución. Se o teu non é o cartografado, e non chegas a estes 42 días, esperamos que escribas un parágrafo ou dous sobre o que fas en OpenStreetMap. O Consello decidirá en votación a aprobación da túa solicitude.

Como podo saber cantos días de cartografía teño?

  • Podes obter unha estimación con ferramentas como Pascal Neis Como contribuíches, que debería ser o suficientemente precisa para a maioría dos casos.
  • Se tes uns bos coñecementos técnicos e queres comprobar os teus días de mapeo, usa a API de cambios de OSM para consultar as túas modificacións. A continuación, podes recoller todas as datas únicas nos atributos created_at dos conxuntos de cambios e contar cantos días únicos tes nos últimos 365 días.

Gustaríame converterme en membro a través do programa de persoas que contribúen activamente!

● Se cumpres o requisito da actividade de cartografado (polo menos 42 días de mapeo nos últimos 365 días), enche este formulario para obter a túa adhesión ó programa de persoas que contribúen activamente.

● Se cumpres os requisitos a partir doutras contribucións a OpenStreetMap, por favor, enche estoutro formulario e describe as túas actividades para obter a súa adhesión ó programa de persoas que contribúen activamente.
Ligazón xeral:
https://join.osmfoundation.org/active-contributor-membership/

Preguntas frecuentes

Que necesito aportar?

  • O teu nome.
  • O teu nome de usuario en OSM.
  • O estado no que resides.
  • O teu enderezo de correo electrónico (onde se enviarán as papeletas das votacións e que será o enderezo de correo electrónico asociado á participación na lista de correo dos membros da OSMF, se decides subscribirse)

Durante canto tempo será válida a adhesión?

De igual xeito que a adhesión de pago, a adhesión con exención da cota ten caracter anual. Recibirás un recordatorio e poderás solicitar a renovación, cun trámite similar á solicitude inicial. A comprobación da actividade de cartografado de polo menos 42 días naturais do último ano terá lugar no momento en que solicite a renovación ou, de ser o caso, o envío dun parágrafo ou dous sobre o que fai para OpenStreetMap.

Que máis necesito saber?

Por lei, calquera membro da OSMF pode inspeccionar o rexistro de membros (pedimos o propósito antes de envialo, e normalmente non está permitida a distribución por parte do destinatario). O programa ó abeiro ó que se uniu cada persoa non aparece na listaxe. Si están o nome, o estado, o correo electrónico e un dos nomes de usuario de OSM.

Por que existe este programa de adhesión para persoas que contribúen activamente?

Ó invitar a membros moi activos da comunidade a unirse á OSMF, facémonos máis resistentes ós intentos de absorción mediante inscricións masivas. Pensamos que, mesmo para os e as cartógrafas para os que as 15 libras da cota non son moitos cartos, estarían máis dispostos a unirse, se os convidamos a unha adhesión gratuíta polo seu bo traballo. Ademais, a contribución activa ó proxecto é máis fácil de avaliar que as dificultades financeiras e non require que o solicitante revele información persoal. A posible perda de ingresos de cotas individuais non é unha ameaza para a nosa estabilidade financeira. De feito, hai bastantes membros ós que lles gusta doar máis de 15 libras. Estas doazóns non teñen que estar vinculadas a ningún membro.

Por que 42 días de cartografado?

Os días de cartografado non son a medida perfecta, pero necesitamos un punto de referencia obxectivo, fácil de verificar e sinxelo de medir e implementar.
Por que 42 días? Se medimos as contribucións en cartografía en días dos membros da OSMF que mapean (o 83%), aproximadamente a metade deles superan estes 42 días ó ano. Agardaríamos unha achega “lixeiramente excepcional” en termos de cartografía.

42

Como se dividen os meus cambios en días para medir 42 días de mapeo

Para medir os días de cartografado utilízase a marca de tempo creada en cada conxunto de cambios. Normalmente, todos os cambios nun modificativo teñen a mesma marca de tempo. O día defínese en UTC desde a medianoite ata a medianoite seguinte.

Conta o cartografado pagado?

O programa de persoas que colaboran activamente está aí para avaliar o compromiso co proxecto. En primeiro lugar, cremos que o demostran as actividades dos voluntarios do proxecto. Se organizas ou realizas mapeado para OSM como parte do teu traballo remunerado, iso non é necesariamente un sinal de compromiso co proxecto. De xeito predeterminado, non incluiriamos estas actividades como elixibles para este tipo de adhesións. Pero non dubides en explicar as túas contribucións e o Consello avaliará o caso.

Pódese facer trampa?

Tamén contemplamos o abuso. Cando recibimos unha solicitude, contactamos coa(s) conta(s) de OpenStreetMap mencionada(s) a través do sistema de mensaxería de OSM para confirmar que son propiedade da persoa que solicitou a adhesión. Por suposto, pódense facer pequenas contribucións, como mover un único nodo durante 60 días, quizais pasar desapercibido e lograr a adhesión. Iso sería unha fraude e a adhesión podería ser revogada se o Grupo de traballo de membros da OSMF descobre que as contribucións non son importantes.


E o antigo programa de exención de cotas?

O programa de adhesión para persoas que contribúen activamente está a substituír o antigo programa de exención de cotas (iniciado en xaneiro de 2018), no que se eximía á cota de afiliación en casos de dificultades económicas ou falta de capacidade adecuada para a realización da transferencia de diñeiro. O cambio foi posible mediante unha votación durante a Asemblea Xeral anual de 2019. Tanto a regra da dificultade financeira como a de falta de transferencia de cartos adecuada serán eliminadas completamente porque, aínda hoxe, esperamos que alguén que cumpra esas regras amose algún tipo de contribución, polo que tamén podería ser elixible co novo programa.

Que outras opcións teño para ser membro?

Como antes, podes aínda converterte en persoa membro normal ou asociada da Fundación pagando a cota anual de afiliación de 15 libras.

As principais diferenzas entre persoas membro normais e asociadas son as seguintes:

  • As persoas membro normais teñen que proporcionar o seu enderezo de residencial completo.
  • As persoas membro normais poden votar todos os temas durante as asembleas xerais, mentres que as asociadas só se poden facelo nalgunhas cuestións.
  • As persoas membro normais poden ser candidatas ao Consello e converterse así en membros deste.

Pode cambiar o seu tipo de adhesión. Ponte en contacto co Grupo de traballo de membros (o enderezo de correo electrónico está máis abaixo) para obter máis información.

OpenStreetMap logo with magnifying glass, showing stick figures.
O logo do Grupo de traballo de membros, baseado no logo de OSM de Ken Vermette, CC-BY-SA 3.0 e aplican os dereitos de marca. Figuras de Pascal Neis, reproducidas con permiso.

Gustaríame axudar ás persoas voluntarias do Grupo de traballo de membros da OSMF!

Grazas 🙂 Necesitamos a túa axuda e podes marcar a diferenza uníndote ó Grupo de traballo de membros. Envíanos un correo electrónico a membership@osmfoundation.org

Como membro do Grupo de traballo, pode axudar a:

  • Administar o rexistro de membros.
  • Responder a preguntas de rutina, como que tipo de afiliación ten alguén (normal ou asociado) ou cando terá que renovala.
  • Axudar co traballo manual para emparellar as transferencias bancarias de membros para novas inscricións e renovacións.
  • Resolver outros problemas relacionados coa incrición ou a renovación. Se te unes ó Grupo de traballo, poderás participar tanto como queiras.

Teño outra pregunta!

Fálanos a membership@osmfoundation.org

Cute half-blobs with eyes, holding sticks with maps.
Imaxe de Tintao CC BY-SA 2.0, modificada.

Como encher os formularios:

Formulario de actividade cartográfica (con polo menos 42 días de cartografado nos últimos 365 días)

  1. Nome (obrigatorio)
  2. Apelidos (obrigatorio)
  3. Estado de residencia (obrigatorio)
  4. Enderezo de correo electrónico (obrigatorio)
  5. Nome de usuario de OpenStreetMap (obrigatorio). O nome de usuario de OpenStreetMap úsase para verificar que se cumpre o requisito de cartografado de 42 días nos últimos 365 días. Enviarase unha mensaxe á túa conta. Ten en conta que o teu nome de usuario distingue entre maiúsculas e minúsculas.
  6. Subscribirme á listaxe de correo OSMF-Talk. (Podes subscribirte ou desubscribirte manualmente). Subscribirme.

Para outras constribucións

  1. Nome (obrigatorio)
  2. Apelidos (obrigatorio)
  3. Estado de residencia (obrigatorio)
  4. Enderezo de correo electrónico (obrigatorio)
  5. Nome de usuario de OpenStreetMap (obrigatorio). O nome de usuario de OpenStreetMap úsase para verificar que se cumpre o requisito de cartografado de 42 días nos últimos 365 días. Enviarase unha mensaxe á túa conta. Ten en conta que o seu nome de usuario distingue entre maiúsculas e minúsculas.
  6. Subscribirme á listaxe de correo OSMF-Talk. (Podes subscribirte ou desubscribirte manualmente). Subscribirme.
  7. Comparte o alcance de como estás a contribuír a OpenStreetMap. (obrigatorio). Necesitamos algún xeito de verificar a túa contribución. Para iso, recomendámosche citar a membros da comunidade ou a organizacións coas que traballas e que conozan as túas contribucións.

Recibe os novos artigos: Subscríbete ó feed RSS!

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.

Continue reading

Nota de prensa conxunta de OSMF e Cesium: OpenStreetMap, un mapa de edificios!

Nota: Cesium é un membro corporativo de prata da Fundación OpenStreetMap, o que lle dá dereito á publicación desta nota de prensa conxunta. Se a túa organización quere apoiar máis, por favor, considera unirte á OSMF como membro corporativo ou le sobre outras formas de colaborar.

Inda que o noso proxecto ten “street” (rúa, en inglés) no nome, hai catro veces máis edificios que estradas en OpenStreetMap!

O recentemente publicado Cesium OSM Buildings do noso membro corporativo máis novo, Cesium, é unha capa global de edificacións en tres dimensións con máis de 350 millóns de construccións 3D feitas enteiramente a partir de OpenStreetMap. Cesium OSM Buildings sérvese empregando 3D Tiles, un formato estándar e aberto de transmisión de datos 3D, desenvolvido na súa orixe por Cesium.

Imaxe © Cesium.

“OpenStreetMap conta con fantásticos datos 3D de edificios en cidades de todo o mundo. É un testamento da destreza e do duro traballo reralizado polos mapeadores e as mapeadoras desta comunidade”, dixo Mikel Maron, do Consello da Fundación OpenStreetMap. “Agradecemos o apoio de Cesium e a promoción do proxecto como membro corporativo, e ó engadir os datos de OpenStreetMap á súa plataforma fan avanzar a nosa misión de que os datos de OSM sexan utilizados o máis posible.”

OpenStreetMap é sinónimo de metadatos abundantes en moitas cidades, como nomes de edificios, enderezos e horarios de apertura. Imaxe © Cesium.

Cesium,que comezou como un proxecto nunha empresa de software aeroespacial, leva mantendo o seu globo virtual de código aberto, CesiumJS, desde 2011. CesiumJS superou hai pouco o millón de descargas e a súa comunidade de desenvolvedores e desenvolvedoras constuíu centos de aplicacións para docenas de industrias.

A oferta de Cesium engádese á vibrande comunidade de proxectos que xa fan uso dos datos de OSM de construccións. O proxecto OSM Buildings é un visor web de edificios en 3D libre e de código aberto baseado en OSM. Tamén existe software aberto de renderizado 3D baseado en OSM para Blender e en moitos outros proxectos. OpenBuildingMap é unha xanela a OpenStreetMap centrada nos edificios e que prové dun subconxunto de datos de OSM filtrado con unicamente información sobre edificios.

Existen varias ferramentas para agregar datos sobre edificios a OSM, desde os famosos complementos building_tools e Kendzi3D para JOSM, a StreetComplete, que axuda á nosa gran comunidade de colaboradores y colaboradoras a encher os detalles dos edificios. Tamén podes ler como cartografamos (“etiquetamos”) os edificios en OSM. A nosa conferencia anual (Estado do Mapa 2020) tivo unha conferencia co nome “Os edificios son as novas rúas”.

OpenStreetMap – máis que edificios
OpenStreetMap
é un proxecto internacional para crear un mapa gratuíto do mundo. Para iso, nós, miles de voluntarios e voluntarias, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Proposta de Xurado para a resolución das disputas no software

Resumo

Despois das consultas con comunidade e membros a través dos canais OSM-talk e OSMF-talk, respectivamente, e en resposta ás necesidades expresadas polas persoas desenvolvedoras de iD, o Consello da Fundación OSM propón a creación dun pequeno xurado, o Xurado para a resolución das disputas no software (“Xurado”), quen, previa solicitude, tratará de resolver as disputas sobre as características do editor iD. Outros softwares de OSM tamén poderán empregar este Xurado se así o deciden. Pregamos que se fagan comentarios sobre esta proposta na lista de correo OSM-talk (rexistro para OSM-talk).

Antecedentes

Inda que é relativamente raro, comparado co volume total de actualizacións, modificacións e melloras realizadas co editor de iD co paso do tempo, as polémicas xurdidas ó redor de cambios en iD ameazaron o proxecto debido ás respostas emocionais dalgunhas persoas implicadas nas disputas. Estas controversias son indesexables e non podemos permitir que prexudique a OSM ou a comunidade OSM. Por iso, a suxestión das persoas promotoras de iD, a Fundación OSM busca un método para resolver de forma amigable as controversias que poidan xurdir a través dun mecanismo que estea baixo o control da propia comunidade OSM.

Proposta

O Consello da Fundación OpenStreetMap (“Fundación”) creará un Xurado para a resolución das disputas no software (“Xurado”) con cinco membros. Calquera membro da Foundación pode ser escollido para formar parte deste grupo. As auto-seleccións (voluntarios/as) son benvidas. O Consello escollerá cinco persoas desta selección.

No inicio, o Xurado só tratará as disputas sobre cambios no editor iD. Se os desenvolvedores e desenvolvedoras doutros softwares relacionado con OSM desexan utilizar posteriormente o Xurado, poderán solicitar a súa inclusión nel. A opción de cooperar co Xurado é voluntaria e, por exemplo, non será considerada nas decisións da OSMF relacionadas co financiamento.

Unha vez estea incluído un software no mandato do Xurado, este será o lugar onde se resolverán as controversias sobre el sen excepcións, sempre que non se podan resolver doutra forma no debate diario da xestión do proxecto. Os desenvolvedores e desenvolvedoras poden solicitar a resolución de disputas en calquera momento. Os membros da comunidade poderán, despois de que se puxesen en coñecemento das persoas desenvolvedoras os seus problemas e traballasen a través dos seus procesos, soliciten que o Xurado resolva as controversias. O Xurado pode negarse a responder a calquera solicitude cando o debate comunitario sobre o tema continúe vivo ou as solicitudes se consideren abusivas, repetitivas, frívolas ou espurias. Os membros poden recorrer ao Consello da OSMF se cren que se desestimou inxustamente un proceso de resolución.

O Xurado estará facultado para solicitar a asistencia de expertos na materia co obxectivo de estudar e resolver controversias, como as relacionadas con etiquetas preestablecidas. O Xurado examinará todas as partes en calquera disputa e ditará unha resolución. Cando se trate de funcións relacionadas coa etiquetaxe, o Xurado desaconsellará as configuracións predeterminadas controvertidas ou as regras de validación que non están baseadas en prácticas óptimas e xa establecidas. O Xurado revisará a documentación existente, os votos recentes da comunidade, os números de uso e as discusións pasadas e pode convocar expertos no tema. Ó solicitar a inclusión no mandato do Xurado, os e as desenvolvedoras aceptan de antemán quedar vinculados ás decisións que este tome.

Duración do mandato

O mandato dos membros do Xurado será de dous anos, coa excepción de que no primeiro ano de funcionamento, dous dos membros terán un mandato dun só ano. Deste xeito, cada ano, dous ou tres membros do Xurado deberán renovarse, o que permite certa superposición e tamén memoria institucional. Os membros poden ser nomeados ata dúas veces, pero deberán dimitir despois dun máximo de tres mandatos consecutivos e poderán ser nomeados despois dunha interrupción dun mandato.

Composición, conflitos de intereses

Os membros do panel deben ter antecedentes como persoas colaboradoras voluntarias do proxecto OpenStreetMap. Ó nomear os membros do Xurado, o Consello esforzarase para que a composición do Xurado (membros) reflicta todos os intereses da comunidade OSM en xeral. Os membros non deben participar nos casos de produtos de software desenvolvidos, total ou parcialmente, por empregados da mesma organización. Aplicaranse ó Xurado unhas normas de conflito de intereses semellantes ás do Consello e os grupos de traballo da OSMF.

Transparencia

As decisións do Xurado quedarán gravadas no sitio web da OSMF, onde o Xurado terá a súa propia páxina.

Avaliación

A decisión da creación do Xurado será avaliada polo Consello e nun debate público entre as persoas membro da Fundación logo dun ano.

Antes da creación do Xurado, e como parte da avaliación ó ano, o Consello da OSMF verificará que os grupos de traballo existentes non están interesados ​​en engadir esta responsabilidade ó ámbito do seu grupo.

Petición de comentarios

Pedimos que os comentatios se fagan na lista de correo OSM-talk (rexistro de OSM-talk).

Allan Mustard
Presidente do Consello da Fundación OSM

Obtén actualizacións dos novos artigos do blog: Subscríbete ó feed RSS!

A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.

Celebramos o 16º aniversario de OSM!

O 16º aniversario de OpenStreetMap ímolo celebrar o 8 de agosto de 2020! Imaxe: Datos dun mapa ficticio renderizado co estilo estándar de osm.org (osm-carto). CC-BY-SA 3.0, aplican os dereitos de autoría.

O sábado 8 de agosto de 2020
imos celebrar os 16 anos de OpenStreetMap!

Planeas facer unha festa en liña ou un mapatón?

Podes empregar o servidor de vídeo BigBlueButton da Fundación OpenStreetMap! Para obter unha conta gratuíta e a túa propia sala de vídeoconferencias, por favor, rexístrate.

  • Podes usar a túa sala de videoconferencias You can use your video room mesmo despois do aviversario, para calquera evento relacionado con OSM.
  • Os e as membros da comunidade cunha banda larga deficiente poden beneficiarse dos axustes para conexións lentas de BigBlueButton.
  • Por favor, engade o teu evento no wiki de OSM! Se editar o wiki non é o teu, envía un correo a communication@osmfoundation.org cos detalles do teu evento e xa o engadiremos nós.

Outras ideas

  • Publicar unha mensaxe sobre por que adoras OpenStreetMap
  • Publicar unha foto de ti mesmo coa mensaxe 🙂 
  • Usar o cancelo #OpenStreetMap16 en redes sociais
  • Facer (ou encargar) unha torta de aniversario. Podes ver exemplos de tortas de OSM anteriores para inspirarte. Non te esquezas da atribución!
  • Se as túas fotos levan o texto “CC-BY-SA 2.0” (ou outra licenza aberta) poderemos engadilas ó wiki de OSM (ou séntete libre de engadilas ti mesmo! ~ rexístrate aquí).
  • Tés máis ideas? Compárteas nos comentarios 🙂

Únete a nós!

O 9 de agosto celébrase o aniversario da creación do OpenStreetMap, que é a data do rexistro do nome de dominio OpenStreetMap.org. O concepto de OpenStreetMap é anterior ó rexistro dos nomes de dominio, pero nos parece unha boa data para o aniversario 🙂

Obtén actualizacións dos novos artigos do blog: Subscríbete ó feed RSS!

Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]

A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.

OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.